కరుణామయశివ సదాశివా జాలిని చూపవయా నమఃశివ కరుణామయా శివా |
నీవే తల్లివి నీవే తండ్రివి గురుడవు సఖుడవు నీవేనయా అండపిండ బ్రహ్మాండములంతట ఆదియోగివి నీవెనయా
హాలాహలమును సేవించితివి శూలాయుధమును ధరియించితివి ఆపన్నులను రక్షించితివి అంధకారమును తొలగించితివి
కపాలములే పీతాంబరములు చితాభస్మమే శ్రీగంధములు దహిఇంచితివే కామక్రోధములు నిర్మించావులే కైవల్యపథములు
|| కరుణామయా ||
కపిలేశ్వరా సిద్ధేశ్వరా రామేశ్వరా బసవేశ్వరా
ప్రమధీశ్వరా నాగేశ్వరా గిరీశ్వరా ఋష్యేశ్వరా
నందీశ్వరా భృంగీశ్వరా సర్వేశ్వరా జగదీశ్వరా
శరణంటిభక్తవత్సల కాపాడర విజయంకరా
కైవల్యసిద్ధిదాయక కరుణించవ భక్తవశంకరా
త్రైలోక్యలోకపాలక దిగిరార నువు అభయంకరా
